राष्ट्रिय र अन्तर्राष्ट्रिय घुसपैठ शक्तिहरूबाट सतर्क रहन सबैमा आग्रह
–जय प्रकाश गुप्ता–
२०८२ भदौ २३ र २४ गते जेन–जीको आन्दोलनमा करिब २ दर्जनभन्दा बढी हाम्रा दाजु, भाई, दिदी, बहिनी, छोरा र छोरी सहिद भएका प्रति हार्दिक समवेदना प्रकट गर्दै देशभित्र भएको तोडफोड, आगजनी र लूटपाटप्रति गहिरो दुख व्यक्त गर्दछु ।
जेन–जीहरूको उचित माग पूरा गर्न यही संविधानभित्र रहेर सम्माननीय राष्ट्रपति र प्रधानसेनापतिज्यूले पहल गर्नुपर्दछ । न्भल श् हरूको दुई दिने आन्दोलनले नेताहरूको भ्रष्टाचार, अत्याचार, दुराचार, सोसन, दमन र अहंकार समाप्त भएको छ । वर्षौंदेखि देशमा देखिएको भ्रष्टाचार र व्यक्तिगत अहंकारको अन्त्य भएको छ ।
नेपालको सार्वभौम सत्ता, राष्ट्रिय अखण्डता, स्वाधीनता र राष्ट्रिय एकताको लागि आच हुने कुनै पनि गतिविधि कदापी स्वीकार्य हुने छैन । हामी नेपाली हौं, हाम्रो देश नेपाल हो र नेपालको रक्षा गर्न मर्न पनि तयार छौं । हिमाल, पहाड र तराईको सम्पूर्ण भूभाग हाम्रो हो ।
२०६२/६३ वैशाख ११ गते २४० वर्षको राणा, राजा र पञ्चायत शासनको अन्त्य भएको थियो । दर्जनौं नेपालीको बलिदानबाट संविधान सभाको ९०% नेपाली जनताबाट २०७२ असोज ३ गते संघीय लोकतान्त्रिक गणतन्त्र नेपालको संविधान जारी भएको थियो । लोकतान्त्रिक संविधानको रक्षा गर्न न्भल श् पुस्ता लगायत सबै पुस्ताको दायित्व हो ।
जेन–जी पुस्ताको मागप्रति कुनै भित्री वा बाहिरी घुसपैठ हुनु हुँदैन । चाँडो भन्दा चाँडो नयाँ अन्तरिम प्रधानमन्त्रीको नियुक्ति हुनुपर्दछ…
