–मित्रसेन दाहाल–
मुसलमान समुदायको एउटा अलग्गै व्यक्तित्व रेजा
मोहम्मद रेजा खाँको जन्म २००५ भाद्र ५ गते विराटनगर नगरपालिका वडा नं. ७ जहदा मोरङमा स्व. डा. मोहम्द खाँका सुपुत्रका रुपमा भएको थियो । नियतिको खेल मोहम्मद रेजा खाँको ५८ वर्षकै उमेरमा गत २०६३ चैत्र २३ गते निधन भयो । मानिस भएर जन्मेपछि मर्नै पर्ने मृत्यु अन्तिम सत्य हो । यसलाई कसैले टार्न र छेक्न सक्दैन – आयो टप्प टिप्यो, लग्यो मिति पुग्यो, टारेर टर्दैन त्यो । यो आस्तिक अभिव्यक्ति हो । खाँ धेरै पहिलेदेखि सुगर र उच्च रक्तचापका रोगी थिए । खाँसँग मेरो चिनजान झन्डै एक दशकअघि भएको हो । अहिले खाँसँग मलाई चिनजान गराईदिने वरिष्ठ प्रशासक स्व. दिनेशचन्द्र प्याकुरेल पनि यस संसारमा हुनुहुन्न । दुःखद् र विडम्बनापूर्ण अवस्था दिनेशचन्द्र प्याकुरेलले तत्कालीन शाही सरकारले दिएको मानसिक पीडा असह्य भएर आत्महत्या गर्नुभयो र खाँको हृदयघातबाट मृत्यु भयो ।
नेपालमा प्राविधिक जनशक्तिको कमी छ । दक्ष र योग्य प्राविधिकको यसरी भटाभट मृत्यु हुनु नेपालका लागि अपूरणीय क्षति हो । जीवित हुन्जेलसम्म हामी तिनीहरुको मूल्याङ्कन र सम्मान गर्न जान्दैनौ तर मरेपछि नेपाली शब्दकोशमै नभएका शब्द खोजेर समवेदना व्यक्त गर्दछौ । जीवित भएका अवस्थामा आफूले गरेको कामको मूल्यांकन र योग्यताको कदर होस् कदर गर्ने परिपाटीको विकास गर्न सकेको छैन । मरेपछि मात्र उसको योग्यता र कामको मूल्यांकन शब्दचित्रमा गर्ने परम्परा नै बसेको छ ।
वास्तवमा मोहम्मद रेजा खाँ शान्त, सौम्य, हसिला र मिलनसार थिए । एउटा शिक्षित मुसलमान परिवारमा जन्मिएका खाँले धेरै आरोहअवरोह पार गरे । मुस्लिम परम्पराअनुसार विवाहित महिलाले आप्mनो अनुहार आप्mनो पतिबाहेक अरुलाई देखाउनु हुँदैन भन्ने छ । आज पनि हामी मुसलमानत बस्तीमा गयौ भने केटीले आप्mनो अनुहार छोपेका हुन्छन् । त्यो परिवारमा जन्मिएको प्राविधिक इन्जिनियर खाँले हाम्रो समाजलाई जातपातबारे रहिआएको विकृति र विसंगति अनि उचनीचको भावनालाई चुनौती दिए । .
