काठमाडौं । काठमाडौं बुढानिलकण्ठ नगरपालिका–९ मण्डिखाटार बस्ने सिन्धुपाल्चोक बलेफी–३ स्थाई घर भएका २३ वर्षीय सुजन श्रेष्ठको करेन्ट लागेर बिहान मृत्यु भएको छ । बुढानिलकण्ठ–९ मण्डिखाटारस्थित ग्रिल पसलमा वेल्डिङ गर्ने क्रममा करेन्ट लागेर गम्भीर घाइते भएका उनको शिक्षण अस्पताल महाराजगंजमा उपचारको क्रममा मृत्यु भएको हो । यस सम्बन्धमा प्रहरीले थप अनुसन्धान गरिरहेको छ । त्यस्तै गोरखा, आरुघाट गाउँपालिका–२ छापठोट्नेरीस्थित सुकुन्द्र खोलामा डुबेर सोही गाउँपालिका–२ मान्वुस्थित श्री भवानी माध्यमिक विद्यालय अध्ययनरत रही होस्टेलमा बस्ने धार्चे गाउँपालिका–२ केरौजा घर भएका १५ वर्षीय कब्निष गुरुङको दिउँसो मृत्यु भएको छ । पौडी खेल्ने क्रममा डुबेर गम्भीर घाइते भएका उनको प्राथमिक स्वास्थ्य केन्द्र आरुचनौटे आरुघाटमा उपचाकरो क्रममा मृत्यु भएको हो । कपिलवस्तु, बाणगंगा नगरपालिका–९ बस्ने २५ वर्षीय बिजय थापाको सोही ठाउँस्थित भिरी खोलामा डुबेर राति मृत्यु भएको छ । माछा मार्न गाएको अवस्थामा उनी डुबेर बताइएको छ ।
