सुन प्रकरणमा महरा र उनका छोरा राहुल तानिने

काठमाडौं । प्रधानमन्त्री पुष्पकमल दाहालले सार्वजनिक महत्वका विषयमा केन्द्रित हुँदै समस्या समाधानका निम्ति ठोस पहल गर्न कर्मचारी प्रशासनलाई निर्देशन दिएका छन् । प्रधानमन्त्री तथा मन्त्रिपरिषदको कार्यालयमा तीनकुनेमा अधिग्रहण गरिएको जग्गामा देखिएको मुआब्जा समस्या समाधान र काठमाडौं उपत्यकामा सुकुम्बासी व्यवस्थापन सम्बन्धी बैठकमा प्रधानमन्त्री प्रचण्डले उक्त निर्देशन दिएका हुन् । छलफलमा उपप्रधान तथा गृहमन्त्री नारायणकाजी श्रेष्ठ, सहरी विकासमन्त्री सीता गुरूङ, भूमि व्यवस्था, सहकारी तथा गरिबी निवारणमन्त्री रञ्जिता श्रेष्ठ, संघीय मामिला तथा सामान्य प्रशासन मन्त्री अनितादेवी साह, काठमाडौँ महानगरका प्रमुख बालेन्द्र साह, नेपाल सरकारका मुख्यसचिव डा. बैकुण्ठ अर्याल, नेपाल सरकारका विभागीय मन्त्रालयका सचिवहरू उपस्थित थिए । बैठकमा तीनकुनेमा अधिग्रहित जग्गा नेपाल सरकारको नाममा आइसकेको परिस्थितिमा पनि मुआब्जा र समस्या समाधान हुन बाँकी रहेकाले त्यसको दीर्घकालीन समस्या कसरी गर्ने एवं तीनकुने जडीबुटी अन्डरपासको काम कसरी प्रभावकारी बनाउने विषयमा छलफल भएको थियो । छलफलमा काठमाडौं उपत्यकाको सुकुम्बासी समस्याका समाधानका लागि भएका प्रयासहरू र त्यसलाई निष्कर्षमा पुर्‍याउन अन्तरनिकाय समन्वय प्रभावकारी बनाउने विभिन्न विकल्पबारे छलफल भएको थियो । त्यसैगरी तस्करी गरेर ल्याइएको बरामद सुन छुटाउन पहल गरेको आरोप लागेका र अनुसन्धान प्रतिवेदनमा समेत नाम भएका नेकपा माओवादी केन्द्रका उपाध्यक्ष कृष्णबहादुर महरा कारवाहीमा तानिन सक्ने भएका छन् । सरकारको उच्च तहले प्रहरीले सुन प्रकरणको अनुसन्धान प्रतिवेदनमा यी दुवैको नाम उल्लेख गरेको र नाम हुँदा हुँदै पनि थप अनुसन्धान अघि नबढाउँदा सरकारको साख खस्किएको विश्लेषण गरेको छ । अनुसन्धान प्रतिवेदनमा नाम आइसकेपछि त्यसको छिनोफानो नगरी अघि बढ्ने अवस्था नहरेको विश्लेषण उच्च तहको छ । यसले गर्दा उपाध्यक्ष महरा र उनका छोरा राहुल कारबाहीमा तानिने सम्भावना बढेको हो । महरा र उनका छोरा राहुल माथि चिनियाँ व्यापारीको सुन छोड्न भन्सारका कर्मचारीलाई पटक-पटक फोन गरेर दबाब दिएको आरोप लागेको छ । त्यसैगरी एमाले अध्यक्ष केपी शर्मा ओली र भीम रावलबीच भेटवार्ता भएको छ । अध्यक्ष ओली र रावलबीच एमाले पार्टी कार्यालय च्यासलमा भेटवार्ता भएको हो । पार्टीको १० औं राष्ट्रिय महाधिवेशनयता अध्यक्ष ओलीसँग सम्बन्ध राम्रो नभएका रावल त्यसयता पार्टी काममा समेत सक्रिय छैनन् । केही महिनाअघि रावललाई पार्टी काममा फर्काउन भन्दै अध्यक्ष ओलीले उपाध्यक्ष विष्णु पौडेलको नेतृत्वमा तीन सदस्यीय वार्ता टोली गठन गरेका थिए । पौडेल नेतृत्वको टोली र रावलबीच वैशाख पहिलो साता एक चरणको कुराकानी भएपनि त्यसपछि पुनः कुनै छलफल भएको छैन ।