काठमाडौं । नुवाकोट, बिदुर नगरपालिका-३ छापथोकस्थित जंगलमा दिउँसो लागेको आगो फैलिएर सोही ठाउँ बस्ने ३६ वर्षीय हरी रिमालको कुखुरा र बाख्राको खोरमा समेत आगलागी हुँदा करिब १५ लाख रूपैयाँ बराबको धनमाल जलेर नष्ट भएको छ । संखुवासभा, चैनपुर नगरपालिका-११ मादी गाउँ बस्ने पासाङ ग्याल्जेन शेर्पाको घर र गोठमा साँझ आगलागी हुँदा घर, गोठ, चौपाया र काठपात जलेर करिब ७ लाख रूपैयाँ बराबरको धनमाल नष्ट भएको छ । मोरङ, रतुवामाई नगरपालिका-४ कट्घरा बस्ने पनिलाल ताजपुरीयाको भान्सा घर र गोदाम घरमा राति आगलागी हुँदा नगद १ लाख ५० हजार रूपैयाँ, साईकल, अन्नपात जलेर करिब ५ लाख २९ हजार रूपैयाँ बराबरको धनमाल नष्ट भएको छ । सर्लाही, रामनगर गाउँपालिका-३ झण्डा टोल बस्ने रामईश्वर दासको घरमा गएराति आगलागी हुँदा चौपया, फर्निचर, लत्ताकपडा, मोबाइल २ थान, सुनको तिलहरी एक तोला र नगद १ लाख ५० हजार रूपैयाँ गरी करिब ३ लाख ५० हजार रूपैयाँ बराबरको धनमाल जलेर नष्ट भएको छ । साथै उक्त आगो फैलिएर सोही ठाउँ बस्ने रामदेव झाको घरमा समेत आगलागी हुँदा मोबाइल २ थान, साइकल १ थान, लत्ताकपडा, सुनको सिक्री, कुर्सी २ थान र नगद १ लाख रूपैयाँ गरी करिब २ लाख रूपैयाँ बराबरको धनमाल जलेर नष्ट भएको छ । बाँके, नेपालगंज उपमहानगरपालिका-६ एकता नगरस्थित खाली चौरमा पार्किङ गरी राखेको भे.१ ज १३२४ नम्बरको जिपमा गएराति आगलागी हुँदा जिप पूणर्रूपमा जलेर क्षति भएको छ ।
