काठमाडौं । मकवानपुर, थाहा नगरपालिका-११ मालागिरी बस्ने सुरेन्द लामाको कच्ची घरमा दिउँसो आगलागी हुँदा घर, घरभित्र रहेको नगद, सुनका गरगहना, अन्नपात जलेर करिब २० लाख रूपैयाँ बराबरको धनमाल नष्ट भएको छ । ईलाम, सन्दकपुर गाउँपालिका-१ रातमाटे बस्ने भिम बहादुर वाङ्गदेल राईको घरमा गएराति आगलागी हुँदा घर, घरभित्र रहेको नगद १ लाख रूपैयाँ, सुनका विभिन्न गरगहना, भाँडावर्तन, अन्नपात, लत्ताकपडा जलेर करिब १५ लाख रूपैयाँ बराबरको धनमाल नष्ट भएको छ । सिन्धुपाल्चोक, मेलम्ची नगरपालिका-४ पिप्लेस्थित मंगोल कृषि फर्ममा गएराति आगलागी हुँदा करिब १५ लाख रूपैयाँ बराबरको धनमाल जलेर नष्ट भएको छ । प्रहरीले स्थानीय बासिन्दा र दमकलको सहयोगमा आगलागी नियन्त्रणमा लिनुको साथै यस सम्बन्धमा थप अनुसन्धान गरिरहेको छ ।
