काठमाडौं । धनुषा, सबैला नगरपालिका-८ ठिल्लास्थित सडकमा ज.९ प १४४९ नम्बरको मोटरसाइकल आफै अनियन्त्रित भई दिउँसो दुर्घटना हुँदा मोटरसाइकलमा सवार सोही नगरपालिका-९ भठियन बस्ने ६० वर्षीया सोनाघारी कापरको मृत्यु भएको छ । दुर्घटनामा गम्भीर घाइते भएकी उनको प्रादेशिक अस्पताल जनकपुरमा उपचारको क्रममा मृत्यु भएको हो । हाल फरार मोटरसाइकल चालकको प्रहरीले खोजी गरिरहेको छ । महोत्तरी, सम्सी गाउँपालिका-६ चाँदनीस्थित सडकमा साइकल आफै अनियन्त्रित भई राति दुर्घटना हुँदा साइकल चालक भारत सितामढी भेडियाही ग्राम पञ्चायत-७ भगवतिपुर बस्ने २० वर्षीय मो.साहिदको घटनास्थलमै मृत्यु भएको छ । त्यस्तै दार्चुला, महाकाली नगरपालिका-५ ठड्याकाठोस्थित महाकाली नदीमा भारत पिथौरागढ जिप्टी रक्षाताल बस्ने २५ वर्षीय प्रेम सिंह नेगी मृत अवस्थामा फेला परेका छन् । सुनसरी, कोशी गाउँपालिका-७ सुकुम्बासी बस्ति नजिक खुल्ला चौर छेउमा हाल नाम, थर, वतन नखुलेकी अन्दाजी ६० वर्षीया महिला मृत अवस्थामा फेला परेकी छिन् ।
