का“ग्रेसका सभापति देउवाको निवासमा विपक्षी दलको बैठक

काठमाडौं । लगानी शिखर सम्मेलन, जलवायु सम्मेलन, संयुक्त राष्ट्रसंघका महासचिवको महत्वपूणर् भ्रमणजस्ता अन्तर्राष्ट्रिय महत्वका कार्यक्रमले नेपाल पर्वतीय देशहरूको नेता बनेको प्रधानमन्त्री पुष्पकमल दाहालले बताएका छन् । सिन्धुपाल्चोकको चौतारामा चीन सरकारको सहयोगमा निर्मित चौतारा अस्पतालको अत्याधुनिक भवन उद्घाटन गर्न गएका प्रधानमन्त्री दाहालले विश्वले नै नेपालप्रतिको सकारात्मक धारणा व्यक्त गरिरहेको बताएका छन् । अन्तर्राष्ट्रिय मञ्चहरू नेपालको सहभागिता बिना अपूरो हुने भन्दै विदेशी नियोगहरूले नेपाल सहभागी हुन जोड दिने गरेको उनले बताएका छन् । त्यसको श्रेय नेपाली जनता भएको उनको भनाइ छ । अस्पतालको उद्घाटन गर्दै प्रधानमन्त्री दाहालले स्वस्थ नागरिक हुनु भनेको स्वास्थ्य राष्ट्र बन्नु भएको बताएका छन् । नीति कार्यक्रम र बजेटमार्फत जनताको जीवनस्तरमा सुधार ल्याउने र परिवर्तनलाई अनुभूतिको तहसम्म ल्याइपुर्‍याउने किसिमले संघीय सरकारले रणनीतिक महत्वका कार्यक्रम अघि सारेको बताउँदै प्रधानमन्त्री दाहाले बजेटलाई हुबहु कार्यान्वयनमा लैजान निर्देशन दिएका छन् । यसैबीच बूढानीलकण्ठस्थित नेपाली कांग्रेसका सभापति शेरबहादुर देउवाको निवासमा विपक्षी दलको बैठक बसको छ । देउवा निवासको बैठकमा जनता समाजवादी पार्टी नेपालका अध्यक्ष उपेन्द्र यादव र लोकतान्त्रिक समाजवादी पार्टीका अध्यक्ष महन्थ ठाकुर र नेता शरदसिंह भण्डारी सहभागी थिए । उक्त बैठकमा नेकपा एसका अध्यक्ष माधव नेपाल र प्रमुख सचेतक मेटमणि चौधरी पनि सहभागी भएका छन् । त्यसैगरी नेकपा एमालेका अध्यक्ष केपी शर्मा ओलीले सहकारीमा गैर-सहकारीवालाको प्रवेश भएको बताएका छन् । एमालेको राष्ट्रिय महिला भेलालाई सम्बोधन गर्दै अध्यक्ष ओलीले गैर-सहकारीवालाकै कारण सहकारीमा संकट उत्पन्न भएको बताएका छन् । सहकारीमा ठग्नकै निम्ति ती व्यक्तिहरू सहकारीमा आएको उनको भनाइ छ । अध्यक्ष ओलीले नियममा बसेका सहकारीहरू समस्यामा नभएको बताएका छन् । उनले सहकारी आफैंमा राम्रो कुरा भएको बताउँदै त्यसबाट धेरै महिलाहरूले जीविकोपार्जनलाई सहज बनाएको बताएका छन् । उनले महिलाहरूले राजनीतिबाहेक केही न केही गर्नुपर्ने बताएका छन् । उनले एमालेलाई सबै क्षेत्रमा निणर्ायक बनाएर लैजानुपर्ने बताएका छन् ।