ॅमिसिङ’को पोस्टर सार्वजनिक

काठमाडौं । आगामी कात्तिक ३० गतेबाट प्रदर्शनको तयारीमा रहेको फिल्म ‘मिसिङः केटी हराएको सूचना’को चरणबद्ध रुपमा पोस्टर तथा टिजर सार्वजनिक भइरहेका छन् । दुई चरणमा टिजरपछि दोस्रो पोस्टर सार्वजनिक गरिएको छ । फिल्मका दुई प्रमुख पात्र नाजिर हुसेन र सृष्टि श्रेष्ठलाई गम्भीर भावमा प्रस्तुत गरिएको पोस्टरले उनीहरुको मनोभाव दर्शाउँछ । फिल्मलाई दीपेन्द्र गौचनले निर्देशन गरेका हुन् । यो उनको पहिलो निर्देशकीय फिचर फिल्म हो । उनले ३२ वर्षअघि डकु-ड्रामा ‘उजेली’ निर्देशन गरेका थिए, जुन निकै चर्चित मानिन्छ । फिल्ममा उनी स्वयंको लेखन तथा निर्माण छ । फिल्मको कार्यकारी निर्माता भने नकिम उद्धिन हुन् । यसअघि सार्वजनिक दुईवटा टिजरले फिल्मको कथा रहस्यमयी रहेको बुझाउँछ । फिल्ममा नाजिर र सृष्टिसहित सञ्जय गुप्ता, रामनारायण ठाकुर, मदन ठाकुर, रिना रिमाल, कौशल्या ठाकुर, ललितादेवी मिश्र, रुपेश मण्डल, सुदीप पटेल, अनिल कुर्मी, अर्जुन पोखरेल, ओमप्रकाश कणर् लगायतको पनि अभिनय छ भने अमितेष शाह विशेष भूमिका छन् । यसमा अमर महर्जनको डीओपी छ भने दीपेन्द्र गौचन, प्रवेश मल्लिक र करुण थापाले गीतमा संगीत भरेका छन् ।