–आदर्शनारायण सापकोटा–
हामी त कतिपटक पुगिसक्यौ । हिजो पनि म उहीबाट फर्केको ।’ अनि मैले जवाफ दिएँ, ‘माधवजी मैले पनि सबै समय आफ्नो क्षेत्रमै लगाएको छु नि । मेरो त २०५ क्षेत्र नै आफ्नो हो’ ।
हरेक आम सभामा उहाँ आफ्नो सरकारले गर्ने भावी कार्यक्रमका बारेमा आश्वासन दिनुहुन्थ्यो । अन्त्यमा हजारौं जनमानसलाई सोध्नुहुन्थ्यो ‘आज देशको प्रधानमन्त्रीले तपाईसँग एउटा सानो कुरा मागेको छ, तपाईहरू
दिनुहुन्छ ? भेलाले एकै स्वरमा दिन्छौं भन्थ्यो । तत्पश्चात् उहाँ आफ्नो उम्मेदवारहरूलाई उठ्न लगाउनुहुन्थ्यो । अनि हात समातेर भन्नुहुन्थ्यो, आजदेखि हाम्रा प्रतिनिधिहरूलाई म तपाईहरूको जिम्मा लगाएर जाँदैछु । जिताएर पठाइदिनुस् । यस क्षेत्रको जिम्मेवारी म लिन्छु’ ।
कोइरालाको भाषण छोटो र व्यावहारिक हुन्थ्यो । उहाँ जे बोल्नुहुन्थ्यो त्यो गर्नुहुन्छ भन्ने छाप जनतामा परेको थियो । गिरिजाप्रसाद कोइराला मुलुककै गतिशील नेता हुनुहुन्छ । २०५६ को आम चुनावताका उहाँको व्यस्तता बिहानै चार बजेबाट सुरु हुन्थ्यो । बिहान चियासँग आफ्ना परिवाजन र अति निकटस्थ मानिसहरुसँग भेट्नुहुन्थ्यो । काठमाडौंमा भएको बेला सबेरै उहाँको निवासमा नित्य उपस्थ्ति हुनेहरुमा उहाँकै निजी सहायक वीरेन्द्र दाहाल, कांग्रेस नेता सुशील कोइराला पर्नुहुन्थ्यो । त्यसताका नरहरि आचार्य र राष्ट्रसंघका लागि नेपालका तत्कालीन स्थायी प्रतिनिधि डा. जयराज आचार्य पनि एकदुई दिन बिराएर सबेरै बालुवाटार पुग्नुहुन्थ्यो । उहाँ सधै पत्रिकामा आएका समाचारको समीक्षासँग तीन कप चिया पिउनुहुन्थ्यो । टेलिभिजनमा बीबीसी वर्ल्ड सर्भिसको समाचरा हेर्द कागती चियाको कपरित्रिएपछि चिया समय सकिएको जनाउ दिन्थ्यो । काठमाडौं बाहिर भ्रमणमा गएको समय भने अघिल्लो रातमा नै कोइराला शयनकक्षमा थर्मसमा दूध हालेको चिया राख्न लगाउनुहुन्थ्यो । बिहान उठेपछि उहाँ आफै चिया झिक्नुहुन्थ्यो र पिउनुहुन्थ्यो । बिहान करीब ४५ मिनेटजति उहाँ नित्यकर्ममै बिताउनुहुन्छ । नुहाए पछि दौरा–सुरुवाल लगाउनुहुन्छ । प्रायः ६ः१५ मा एउटा उसिनेको अण्डा, गर्मीमा एक गिलास लस्सी, जाडोमा हर्लिक्स, एक चम्चा च्यवनप्राश र चार पाँच दाना हाडेबदामको ब्रेकफाष्ट लिनुहन्थ्यो ।
क्रमशः
